En ærlig mand 

Bommelum! - De æ Dres, der er ued mæ æ Trumm,

o Folk di lyer - hwa vil dæ komm?

Hwafor kommer han li i æ Mæjelaw,

æ dæ Bakskuld o fo o æ Skivsbrown i Daw!

En Baadgjæst waar et, dær haad tavt en Ring,

o de lod te o vær en dyr lille Ting.

Dres maa rundt mæld æ Hues mæ æ Trumm

o udlow Findeløn - hwis en skuld komm.

Dres, han rover o trommer o rover,

te æ Swæd drywer nir ad æ Anset i Drover.

Saa waa et han waa heldig o sjæl fond æ Ring;

han staak en te si - o lod som ingenting.

»En Ring, dæ passer te en lille Haaend,

æ tavt i Daw o æ Vej ad æ Straaend.

Mæ Stien i foruden o Navn i forinden.

træj Kroner i Dueør te den, dæ ka find en.

Bommelum, Bommelum, der æ tavt en Ring,

tænk øwwer, nær l gor o si jer omkring« ...

Te æ Ronde skuld igjemmel waa jo næem o faasto, faa han

haad jo faat hans Løn for o go.

Med saa waar et jo ilywwel ligodt, te han tøtt,

de waa da't waer te Folk sku lied te Unøtt.

Dæfor saa han (sinde) li atter æ Tromm:

»I ska ett lied atter en, for a haar en i æ Lomm«.

Niels Holbak